המן-טאַשן
ווערטער : מ. פיראָזשניקאָוו
יאַכנע דוואָשע פֿאָרט אין שטאָט,
האַלט זיך אין איין פֿאַקן,
זי דאַרף אויף פּורים קויפֿן מעל
המן-טאַשן באַקן.
פזמון:
האָפּ, מייַנע המן-טאַשן
האָפּ, מייַנע ווייַסע
האָפ, מיט מייַנע המן-טאַשן
האָט פּאַסירט אַ מעשׂה
ס'גייט אַ רעגן, ס'גייט אַשניי,
ס'קאַפּעט פֿון די דעכער,
יאַכנע פֿירט שוין קאָרנמעל
אין אַ זאַק מיט לעכער.
פּזמון:
האָפּ, מייַנע המן-טאַשן
האָפּ, מייַנע ווייַסע
האָפ, מיט מייַנע המן-טאַשן
האָט פּאַסירט אַ מעשׂה.
יאַכנע טראָגט שוין שלח-מנות
צו דער מומע יענטע,
צוויי-דרייַ שוואַרצע המן טאַשן
האַלב רוי, האַלב פֿאַרברענטע.
פּזמון:
האָפּ, מייַנע המן-טאַשן
האָפּ, מייַנע ווייַסע
האָפ, מיט מייַנע המן-טאַשן
האָט פּאַסירט אַ מעשׂה
ווערטער : מ. פיראָזשניקאָוו