* אַ בּייגל פֿאַר אַ גראָשן, אָבער דער גראָשן איז נישטָא.
* אַ גאַסט אויף אַ ווייַל און זעט אויף אַ מייַל.
* אַ גאַנץ יאָר שיכור און פּורים ניכטער.
* אַ גוט וואָרט ברענגט אַגוטן ענטפֿער.
* אַ גוט וואָרט געפֿינט זיך אַ אָרט.
* אַ געזונטן גיט מען, און אַ קראַנקן פֿרעגט מען
* אַ גוטער נאָמען גייט ווייַט, אַ שלעכטער גייט נאָך ווייַטער.
* אַ געזונט אין זייַן קאָפּ אַרייַן.
* אַ וואָרעם אין כריין, איז זיכער אַז דאָס איז צוקער זיס.
* אויב אַלע זאָגן 'שיכור' - לייגט מען זיך שלאָפֿן.
* אויב דער נאַר וואָלט נישט געווען מייַן- וואָלט איך אויך געלאַכט.
* אַז אַן אָרעם מיידל גייט טאַנצן, גייען די כליזמר פישן.
* אַ זאַטער קען דעם הונגעריקן ניט פֿאַרשטיין.
* אַ חוץ פֿליי אוּן וואַנצן, וואָס קאָן נאָך דאָרטן טאַנצן.
* אַ חסרון - די כּלה איז צו שיין.
* אַ יאָר מיט אַ מיטוואָך.
* אַ ליגן האָט קורצע פֿיס.
* אַ מאָל איז אַ מענטש שטאַרקער פֿון אייזן, און אַ מאָל שוואַכער ווי אַ פֿליג.
* אַ מאַן מיט אַ ווייַב זענען ווי אַן איינס מיט אַ נול.
* אַ מיסע לאָטע איז בעסער ווי אַ שיינעם לאָך.
* אַ מלאָכה איז אַ מלוכה.
* אַ מענטש טראַכט און גאָט לאַכט.
* אַ נאַר וואַקסט אָן רעגן.
* אַ נגיד [נאָגעד] טראָגט זייַן דרך-ארץ אין קעשענע.
* אַ סך מלאכות, ווייניק ברכות.
* אַ פּאַטש פֿאַרגייט, אַ וואָרט באַשטייט.
* אַ פּיקח ווייסט ווי אַרויסגיין פֿון אַ בלאָטע, אַ חכם גייט באַלד ניט אַרייַן.
* און אַ פֿלאָקן אַרייַן און אַ פֿלאָקן אַרויס, און די מעשה לאָסט זיך אויס
* אַ מענטש טראַכט און גאָט לאַכט.
* אַ מענטש קען פֿון זיך ניט אַנטלויפֿן.
* אַ קאַץ אַרויס און אַ הונט אַריַין.
* אַ קינדס טרער גיט דעם הימל.
* אַ קלאַפ פֿאַרגייט, אַ וואָרט באַשטייט.
* אַ קראַנקן ווו מען לייגט טוט עס אים וויי.
* אַ קראַנקן פֿרעגט מען, אַ געזונטן גיט מען.
* אַ שטילער וואָרעם און גראָבט טיף.
* אַ שיין פּנים האָט ער.
* אַלייַן איז די נשמה ריין.
* אָדער גאָר אָדער גאָרנישט.
* אָדער עס העלפֿט ניט, אָדער מ'דאַרף ניט.
* אויב שוין עסן, זאָל רינען שמאַלץ איבער דער באָרד.
* אויף אַ פֿרעמדע באָרד איז גוט זיך צו לערנען שערן.
* אויף אַ שיינעם איז גוט צו קוקן, מיט אַ קלוגן איז גוט צו לעבן.
* אויף אַ קופּע מיסט געפֿינט מען אויך אַ מאָל אַ פֿינגערל.
* אויפֿן גנבֿ ברענט דאָס היטל.
* אויף דרייַ זאַכן שטייט די וועלט : אויף געלט, געלט און געלט.
* אַז אַ נאַר וואַרפֿט אַרייַן אַ שטיין אין וואַסער, קענען אים צען קליגע ניט
אַרויסנעמען.
* אַז גאָט וויל שיסט אַ בעזעם.
* אַז דאָס אומגליק דאַרף איינעם טרעפֿן טרעפֿט עס אים אויפֿן גלייַכן וועג.
* אַז דאָס אומגליק דאַרף איינעם טרעפֿן קומט עס אַרייַן דורך דעם טיר.
* אַז דאָס מויל איז זאַט, איז דאָס מעל ביטער.
* אַז די גנבים שלאָגן זיך, קומט אַרויס די גניבה.
* אַז מען איז נאָר געזונט, איז מען שוין רייַך.
* אַז מען איז צו קלוג, ליגט מען אין דר'ערד.
* אַז מען בריט זיך אָפּ מיט הייסן בלאָזט מען אויפֿן קאַלטן.
* אַז מען בעט אַ פּאַרך צום מנין, האַלט ער זיך אין גרויסן.
* אַז מען גיט נעמט מען, אַז מען שלאָגט לויפֿט מען.
* אַז מען דאַרף דעם גנב, שנייַדט מען אים אָפּ פֿון דער תליה.
* אַז מען האָט מזל דאַרף מען ניט קיין חכם ניט זייַן.
* אַז מען האָט ניט אין קאָפּ - האָט מען אין די פֿיס.
* אַז מען האָט ניט קיין אתרוג דאַרף מען קיין פּושקע נישט האָבן.
* אַז מען האַקט האָלץ פֿאַלן שפּענער.
* אַז מען וואַרט, דערוואַרט מען זיך.
* אַז מען וויינט, ווינט מען אַליין: אַז מען לאַכט, לאַכט די גאַנצע וועלט מיט.
* אַז מען זאָגט: שיכּור, לייגט מען זיך שלאָפֿן.
* אַז מען לייגט ניט אַרייַן - נעמט מען ניט אַרויס.
* אַז מען לעבט - דערלעבט מען.
* אַז מען עסט דאָס פֿלייש זאָל מען דאָס ניט באַזידלען.
* אַז מען עסט שוין חזיר, זאָל רינען איבער דער באָרד.
* אַז מען שיקט אַ נאַר אויפןֿ מאַרק, פֿרייען זיך די סוחרים.
* אַז מען קאָן ניט אַריבער מוז מען אַרונטער.
* אַז מען קען ניט העלפֿן מיט געלט דאַרף מען העלפֿן מיט אַ קרעכץ.
* אַז מען שיקט אַ נאַר אויפֿן מאַרק, פֿרייען זיך די קרעמערס.
* אַזוי ווי איך האָב עס געקויפֿט, אַזוי פֿאַרקויף איך.
* אַזוי ווי מען איז צו זיבן, אַזוי איז מען צו זיבעציק.
* אייגנס איז ליב.
* איינס געהאַלט און צוויי באַהאַלט.
* אין אַ פֿאַרמאַכט מויל גייען ניט אַרייַן קיין פֿליגן.
* אין די אויגן קען מען אַרייַנקוקן, אָבער ניט אין האַרצן.
* אין יעדער אומגליק איז דאָ אַ גליק.
* אַליין איז די נשמה ריין.
* אַלע אביונים האָבן איין פּנים.
* אַלע מאָל דאַכט זיך אַז בייַ יענעם לאַכט זיך, ביז מ'מאַכט אויף די טיר, זעט מען
אַז ס'איז ערגער ווי בייַ מיר.
* אַלע שוסטערס גייען באָרוועס.
* אַלץ אין איינעם איז נישטאָ בייַ קיינעם.
* אַרבעט מאַכט דאָס לעבן זיס [ס' 435 באַשעפֿטיקונג]
* אָרעם איז ניט קיין שאַנד, אָבער ניט קיין גרויסער כּבֿוד אויך.
* בּושה טוט וויי.
* בייַ אַ געהאָנגענעם רעדט מען ניט אויף אַ שטריק.
* בלוט איז ניט קיין וואַסער.
* בּמקום שאין איש איז אַ הערינג אויך אַ פֿיש.
* בעסער אַ ביסל אַבי גוטס.
* בעסער אַ ביסל איידער גאָרנישט.
* בעסער אַ פּאַטש פֿון אַ חכם, איידער אַ קוש פֿון אַ נאַר.
* בעסער איין אַלטער פֿרייַנד ווי נייַע צוויי.
* בעסער דאָס שלעכטע פֿון גוטן, איידער דאָס גוטע פֿון שלעכטן.
* בעסער דרייַ טעג געזונט איידער איין טאָג קראַנק.
* בעסער ווייניק אָבער גוט, ווי איידער אַ סך און שלעכט.
* בעסער פֿרעגן אַ שעה איידער בלאָנדזשען אַ מינוט.
* גאָט גאָט, פֿאַרזוך מייַן קאָמפּאָט, וועסטו וויסן וואָס פֿאַר אַ טעם עס האָט.
* גאָט גיט די קעלט נאָך די קליידער.
* גוטע זאַכן קומען אומגעריכט.
* גיבסטו - ביסטו.
* געבענטשט זענען די הענט וואָס טאָן זיך אַליין.
* געזונט און פּרנסה איז די בעסטע ברכה.
* געלט איז קייַלעכדיק.
* געלט גייט אַוועק און אַ הונט בלייבט אַ הונט.
* געקומען מיט די פּסחדיקע געפֿעס.
* גראָב ווי אַ פֿאַס, דאַר ווי אַ שטעקן.
* געשמאַק איז דער פֿיש אויף יענעמס טיש.
* דאָס אויג דערציילט וואָס דאָס האַרץ מיינט.
* דאָס היטל איז גוט, נאָר דער קאָפּ איז צו קליין
* דאָס עפּלט פֿאַלט ניט ויַיַט פֿון ביימעלע.
* דאָקטוירים ווייסן אַ קרענק.
* די אויגן זענען גרעסער פֿון דעם מויל.
* די אויערן מוזן הערן וואָס דאָס מויל רעדט.
* די אייער ווילן זייַן קליגער פֿון די הינער.
* די אייער לערנען די הינער.
* די וועלט איז אויך אַ וועלט.
* די זיכערקייט איז שוין פֿון לאַנג געשטאָרבן.
* די ליבע ברענט אַזוי ווי אַ נאַסע שמאַטע.
* די מלאָכה דאַרף מען קענען און יושר דאַרף מען האָבן.
* דער מענטש זינדיקט, און דער האָן ווערט די כפרה.
* די מענטשן זאָגן אַז די צייַט גייט אַריבער, די צייַט זאָגט אַז מענטשן גייען אַריבער.
* דעם וואָרעם אין כריין מייַנט אַז ס'איז נישטאָ בעסערס.
* דעם וועלטס מויל קען מען ניט פֿאַרשפּאַרן.
* דער בעסטער ליגן איז דער אמת.
* דער זאַטער פֿאַרשטייט ניט דעם הונגעריקן.
* דער חכם קוקט ווי דער נאַר באַגליקט.
* דער פֿיש שטינקט פֿון קאָפּ.
* דער קאָפּ אַרבעט, אָבער דער צונג ליגט אין קימפּעט.
* דער שכל קומט נאָך די יאָרן.
* דער שלום-בית ליגט אין דער שיסל.
* הערן און זען און... שווייַגן.
* וואָס גייט נישט מיט קייַען רעדן וועט גיין מיט אַ שטעקן.
* וואָס טויג מיר די חכמה אַז די נאַרישקייט געלינגט.
* וואָס לאַכסטו, דער נאַר שטופּט דיך?
* וואָס מען האָט וויל מען ניט, און וואָס מ'וויל האָט מען ניט.
* ווו איז תורה דאָרט איז חכמה.
* ווו מען האָט דיך ליב גיי וויניק, ווו מען האָט דיך פֿייַנט גיי גאָרנישט.
* ווו מען לייגט דעם קראַנקן איז אים ניט גוט.
* ווי אַ האָן אין "בני אדם".
* ווי אַזוי קומט די קאַץ איבערן וואַסער.
* ווי איינער צו זיבן איז ער צו זיבעציק.
* ווי מ'בעט זיך אויס אַזוי שלאָפט מען.
* ווי לאַנג די אויגן זענען אָפֿן דאַרף מען האָפֿן.
* ווייניקער עולם - גרעסער די שׂימחה.
* ווען איז דאָס געשעשפֿט גוט - אַז ביידע זענען צופֿרידן.
* ווען דער מענטש טראַכט, גאָט לאַכט.
* וען דער נאַר וואָלט ניט געווען מייַנער, וואָלט איך אויך געלאַכט.
* ווען דער רשע שלאָפט, גוט פאַר דעם רשע און גוט פאַר די וועלט.
* ווען עס איז דאָ דער גראָשן וועט זיך שוין געפֿינען אַ חתן.
* ווען פֿרייט זיך אַן אָרעמער ? ווען ער פֿאַרלירט און געפֿינט.
* ווער עס איז פֿויל האָט ניט אין מויל.
* ווער ס'האָט טעכטער דעם פֿאַרגייט דאָס געלעכטער.
* ווער עס וויל, דער קען.
* ווער עס זיצט אויפֿן וואָגן אויבן אָן, פֿאַלט אויך צום ערשטן אַראָפּ.
* ווער עס פֿרעגט, דער בלאָנדזשעט ניט.
* ווערטער זאָל מען וועגן, און נישט ציילן.
* זאָג ניט : "עס איז שלעכט": עס קען זייַן ערגער.
* זוך ניט דעם נעכטיקן טאָג.
* זי האָט זיך אַיינגערעדט אַ קינד אין בויך.
* זי שרייט אויף די טאָכטער, און מיינט די שנור.
* זייַ ניט ברוגז, וועסטו ניט זייַן אַליין.
* זייַ מיר נאָך נישט געזונט, איך פֿאָר נאָך נישט.
* חכמים בויען, נאַראָנים צעשטערן.
* טאָמער איז בייַ יידן שוין יאָ אַמאָל אַ סדר, פֿרעגט מען "מה נשתנה".
* יעדן איינעם דאַכט זיך אַז בייַם צווייטן לאַכט זיך.
* יעדער גאון האָט זייַן שיגעון.
* יעדער מענטש ווייסט, אַז ער וועט שטאַרבן, אָבער קיינער וויל עס ניט גלייבן.
* יעדער שטעקן האט צוויי עקן.
* כאַפּ ניט די לאָקשן פֿאַר די פֿיש.
* לאַכן איז געזונט, דאָקטוירים הייסן לאַכן.
* לאַנג געטראַרכט און גוט געמאַכט.
* לייג זיך ניט מיט אַ געזונטן קאָפּ אַרייַן אין אַ קראַנקער בעט.
* לעב און לאָז לעבן.
* מאָרגן איז אויך אַ טאָג.
* מיט אַ גרויסן דאָקטער גייט אַ גרויסער מלאך.
* מיט חכמה אַליין גייט מען ניט אין מאַרק.
* מיט קאָפּ אין דער ערד.
* מען גיט זיך אַ קניפּ אין באַק - אַבּי די פֿאַרב זאָל שטיין.
* מען דאַרף הייַנט זאָרגן, וואָס עס וועט זייַן מאָרגן.
* מען דאַרף ניט זייַן שיין, מען דאַרף ניט זייַן קלוג, מ'דאַרף נאָר האָבן אַ גוטן מזל.
* מען זעט אויף די באַקן ווי די ציינער קנאַקן.
* מע לעבט זיבעציק יאָר און מע שטאַרבט אַ נאַר
* מ'עסט ניט מיט קיין צען מיילער.
* מען קען ניט אַ מענטש, ביז מען האַנדלט ניט מיט אים.
* מען קען ניט דעם קעצל'ס וויידל ניט צובינדן.
* מען רעדט, מען רעדט און מען שושקט זיך.
* מער געלט מער צרות.
* מער שוחטים ווי הינער.
* נאָך אַ יום-טובֿ בלייבט מען מיט דרייַ זאַכן: אַ בייזן האַלדז, אַ ליידיקע קעשענע,
און אַ פֿולן זאַק מיט ברודיקע וועש.
* נאָר איין מאָל איז די זון שטיין געבליבן.
* ניט אַזוי שנעל טוט זיך ווי עס רעדט זיך.
* ניט געזאָגט איז אויך געזאָגט.
* נישט געקענט שרייַבן, נישט געקענט לייענען [לעזן], און פֿאָרט אַ מייַסטער
געוואָרן [געוועזן].
* נישט געשטויגן נישט געפֿלויגן.
* עס און בענטש און זייַ אַ מענטש.
* עס איז איינגענעם צו רעדן וועגן געוועזענע צרות.
* עס איז ניט דאָס דאָרף, עס איז ניט די קרעטשמע.
* עס גייט מיר קאַפּויער.
* "ס'וועט העלפֿן ווי אַ טויטן באַנקעס.
* עס וועט טויגן ווי באַנקעס צו אַ טויטן.
* עס טוט זיך בייַ איר, ווי בייַ די קו אין מויל.
* עס טוט זיך בייַ איר ווי בייַ די רעביצין אין בעט.
* עס מאַכט זיך נישט ווי עס רעדט זיך.
* עס ניט לאָקשן פֿאַר שבת.
* עס איז בעסער אַ סך דאגות ווי איין דאגה.
* עס דויערט פֿון תּענית-אסתר ביז פּורים.
* עס רעדט זיך לייַכטער ווי עס מאַכט זיך.
* ער איז צו גאָט און צו לייַט.
* ער האָט אַ קאָפּ אויפֿן קאַרק.
* ער זעט אויס ווי אַן אָפּגעשלאָגענע הושענא.
* ער שרייַבט "נח" מיט זיבן גרייַזן.
* פֿאַרדריי ניט די יוצרות.
* פֿאַר היימישער גנב קען מען זיך ניט היטן.
* פֿון אַ ביסל מיט אַ ביסל ווערט אַ פֿולע שיסל.
* פֿון פֿיל מלאָכות - ווייניק
* פֿון אַ חזירס שווענצל קען מען קיין שטרייַמל נישט מאַכן.
* פֿון גאָט האָט מען מוירא [מורא], פֿון מענטשען מוז מען זיך היטען .
* פֿרעג ניט דעם דאָקטער, פֿרעג בעסער דעם קראַנקן.
* פֿרעגן קאָסט קיין געלט ניט.
* צדקה צו געבן און ליב האָבן קען מען ניט נייטן.
* צו וואָס דאַרף מען האָניק, אויב צוקער איז זיס
* צו ווערן אַ רביצין איז לייַכטער ווי צו ווערן אַ רב.
* צוויי ליכטיקע אויגן.
* קיינער ווייסט ניט וועמען דער שוך קוועטשט.
* קיינער זעט ניט זייַן אייגענעם הויקער.
* קינדער מיט פּרנסה איז די בעסטע ברכה.
* קליינע קינדער לאָזן דיך נישט שלאָפֿן; גרויסע קינדער לאָזן דיך נישט לעבן.
* קליינע קינדער קליינע צרות, גרויסע קינדער גרויסע צרות.
* קליינר דער עולם, גרעסר די שמחה.
* ר' משה מעג, מאָשקע טאָר ניט.
* רעדן איז זילבער און שווייגן איז גאָלד.
* שׂכל און חרטה קומען תּמיד צו שפּעט.
* שלאָף גיכער, מען דאַרף די קישנס.
* שלעכט מיט דעם, ערגער אָן דעם.
* שמירט אַ נאַר מיט עסיק און מיט האָניק, און ער בלייַבט אַלץ אַ נאַר.
* שקר באַווייזט זיך ווי בוימל אויף וואַסער
* תורה איז די בעסטע סחורה