מייַן משפּחה – מ אָליצקי

איך האָב אַ טאַטן מיט אַ מאַמען,

איך האָב אַ שוועסטערל, אַ קליינע.

מיר זייַנען אַלע פֿיר צוזאַמען

אַ משפּחהלע, אַ שיינע.

איך האָב אַ פֿעטער מיט אַ מומען.

ער הייסט מאָטל, זי הייסט רוטע.

יום-טובֿ זייַנען זיי געקומען

און געבראַכט מיר זאַכן גוטע.

איך האָב אַ באָבע מיט אַ זיידן

אין שיינעם וואָשינגטאָן, די. סי.

איך וועל פֿאַרן צו זיי ביידן

אין אַ שיינעם אין דער פֿרי.