קאָצק
פֿאָלקליד
קיין קאָצק פֿאָרט מען ניט,
קייַן קאָצק גייט מען:
ווייַל קאָצק איז דאָך במקום המיקדש,
קייַן קאָצק דאַרף מען עולה-רגל זייַן.
"רגל" איז דאָך דער טייַטש אַ פֿוס –
קאָצק דאַרף מען גיין צו פֿוס,
זינגענדיק און טאַנצנדיק,
און אַז חסידים גייען קיין קאָצק
גייט מען מיט געזאַנג.
"רגל" איז דאָך דער טייַטש אַ געוויינשאַפֿט –
מען דאַרף זיך געוויינען צו גיין קיין קאָצק
זינגענדיק און טאַנצנדיק,
און אַז חסידים גייען קיין קאָצק
גייט מען מיט אַ טאַנץ.
"רגל" איז דאָך דער טייַטש אַ יום-טובֿ –
גוט-יום-טובֿ, גוט-יום-טובֿ -
און אַז חסידים גייען קיין קאָצק,
איז דאָך אַ גרויסער יום-טובֿ.
- לויט דעם פּוילישן דיאַלקט:
זינגט מען: 'קאַ' אַנשטאַט 'קיין'
'פֿורט' אַנשטאַט 'פֿאָרט'
http://www.yivo.org/uploads/files/POLAND_NEW_comments.htm