צינד אָן די ליכט

ש. פֿרוג

צינד א די ליכט פֿון עק ביז עק,

באַקראַנץ דעם טיש מיט פֿרישע בלומען,

דרייַ שענסטע רויזן – העל און פֿיין –

קלייַב אויס, מייַן קינד, און שטעק אַרייַן

אין מרור, כּרפס און חרוסת.

און מיט דעם ריינסטן, בעסטן ווייַן

גיס אָן פֿול די כּוסות.

מיט פֿרייד און ליבע אָן אַ מאָס,

מיט הייסן גלויבן, טיפֿער טרייַהייט,

הייב אויף, מייַן קינד, דעם ערשטן כּוס

פֿאַר אונדזער אַלטער, זיסער פֿרייַהייט !