לכבוד שבת
לכבֿוד שבת
גרייט מען צו
אין גרויסן טאָפּ
דעם צימעס.
די מאַמע טראָגט אין שטוב אַרייַן
אַ פֿולן קויש מיט מייערן,
וואַשט זיי, רייניקט, שאָבט זיי אָפּּ
און די קינדער אַרום איר.
אָ, מיר וואַלטן גערן עסן
די ניט געקאַכטע מייערן.
מיר כאַפן זיי גלייַך פֿון קויש אַרויס
און גריזשען מיט די ציין.
,,איר זייַט דאָך ניט קייַן העזעלך".
רופֿט די מאַמע זיך אָפּ.
די מאַמע גיט צו אַ ביסל זאַלץ,
האָניק,
ראָזשינקעס,
אַ קניידל, אויך אַ ביסל הינער-שמאַלין,
און עס קאַכן זיך די מיירעלעך,
אין עס אַ זיסער צוגאָב
דער יידישער משפחה.