לאָמיר אַלע זינגען אַ זמרל
יוסף רומשינסקי [1881-1956]
רעפֿריין:
לאָמיר אַלע זינגען, לאָמיר אַלע זינגען
אַ זמרל, אַ זמרל:
לחם איז ברויט, בשר ודגים
וכל מטעמים.
- זאָג זשע מיר, טאַטעניו,
וואָס איז לחם?
- בייַ די גרויסע נגידים איז לחם אַ פֿרישינקע בולקעלע,
אָבער בייַ אונדז קבצנים, אוי דלפֿנים,
איז לחם אַ דאַרע סקאָרינקע, נעבעך.
רעפֿריין:
לאָמיר אַלע זינגען...
זאָג זשע מיר טאַטעניו
וואָס איז בשר ?
בייַ די גרויסע גבירים איז בשר - אַ געבראָטענע קאַטשקעלע ;
אָבער בייַ אונדז קבצנים, אוי דלפֿנים,
איז בשר אַ דאַרע קישקעלע, נעבעך.
רעפֿריין:
לאָמיר אַלע זינגען...
זאָג זשע מיר טאַטעניו,
וואָס איז דגים?
- בייַ די גרויסע נגידים איז דגים אַ לעבעדיק העכטעלע;
אָבער בייַ אונדז, קבצנים, אוי, דלפֿנים,
איז דגים אַ פֿאַרפֿוילטער הערינג, נעבעך.
[בנוסח אחר: איז דגים אַ אויסגעווייקטער הערינג, נעבעך.
רעפֿריין:
לאָמיר אַלע זינגען...
זאָג זשע מיר,טאַטעניו,
וואָס איז מטעמים?
- בייַ די גרויסע גבירים איז מטעמים - קאָמפּאָט.
אָבער בייַ אונדז קבצנים, אוי, דלפֿנים,
איז מטעמים - געהאַקטע צרות, נעבעך.
רעפֿריין:
לאַמיר אַלע זינגענן...