שמחת – תּורה

פֿריילעך, קינדער, האָט ניט מורא,

טאַנצט, עס איז הייַנט שמחת-תּורה.

ייִדן טאַנצן מיט דער תּורה,

ס'איז די שענסטע, בּעסטע סחורה.

משה האָט זי אונדז געגעבּן

פֿאַר אַ שייענם, ריינעם לעבּן.

תּורה ליכט איז, תּורה-אורה,

הייַנט איז יום-טובֿ, שמחת-תּורה

הייבּט זשע, קינדער, אויף די פֿאָן,

נעמט מיך אויך אַרייַן אין קאָן.

שיין און פֿריילעך, אין די מאַסן,

זינגט און לאָזט זיך אין די גאַסן.

זאָגט אָן אַלע, שטאָלץ, אָן מורא,

ס'איז בּייַ ייִדן שמחת-תּורה.

אונדזער תּורה הייַנט מיר לויבּן,

ווייַל זי האָט דעם מענטש דערהויבּן.