אַלע מענטשן אַרבּעטן
(לויט אַ טעקסט אין,, גן גני")
צירעלעס טאַטע איז אַ פֿאַרמער –
ער אַקערט און זייט.
מירעלעס טאַטע איז אַ שנייַדער –
ער שטעפּט און ער נייט.
בּערעלעס טאַטע איז אַ בּעקער –
ער בּאַקט בּרויט און זעמל.
שמערעלעס טאַטע איז אַ קרעמער –
אַלץ האָט ער אין קרעמל.
פעסעלעס טאַטע איז אַ בּויער –
עד בּויט שטיבּער און מויערן.
גנעסעלעס טאטַע איז אַ סטאָליער –
ער מאָכט טירן און טויערן.
מענדעלעס טאַטע איז אַ שוסטער –
ער פֿאַרדיבט און נייט שיך.
גנענדעלעס טאַטע איז אַ קוכער –
ער קאָכט שטענדיק אין קיך.
אַ גאַנצע וואָך אַרבּעטן זיי.
דעם ערשטן טאָג, – זונטיק
דעם צווייטן טאָג, – מאָנטיק
דעם דריטן טאָג, – דינסטיק
דעם פֿערטן טאָג, – מיטוואָך
דעם פֿינפֿטן טאָג, – דאָנערשטיק
דעם זעקסטן טאָג, – פֿרייַטיק
דעם זיבּעטן טאָג אַרבּעטן זיי ניט.
דער זיבּעטער טאָג איז שבת.
שבּת – רוט מען.
קומט שבּת – קומט רו.