דער בריווטרעגער

מאַני לייב

מאני לייב (ברוסית: Мани-Лейб) הוא שם העט של משורר היידיש מנחם לייב בראהינסקי (Мани Лейб Брагинский; ה'תרמ"ה, 1883, נז'ין, אוקראינה – ה'תשי"ד, 1953, בניו יורק).

אין דרויסן האָט גערעגנט,

אין דרויסן האָט געשנייט –

פֿאַר אים איז עס קיין תּירוץ ניט,

נאָר ער גייט און גייט...

אַ גרויסער זאַק אַ פֿולער

אויף זייַן אָרעם הענגט,

און אין זאַק אַ וועלט מיט בריוו

פֿאַר אַלעמען ער ברענגט.

מעג דונערן און בליצן,

צי בייַסן גאָר אַ פֿראָסט –

דער בריווטרעגער דער גוטער

צעטראָגט געטרייַ די פּאָסט.

- בריווטרעגער, דו ליבינקער,

אפֿשר האָסטו הייַנט

אויך פֿאַר מיר אַ בריוו געבראַכט

פֿון מייַן גוטן פֿרייַנד?

שמייכלט ער און גיט אַ זאָג :

געטראָפֿן ! כ'האָב פֿאַר דיר

און פֿאַר דייַנע טייַערע

גאַנצע בריוולעך פֿיר.