דער שלייַפֿער
שלייף, שלייַפֿער !
איין פֿוס שטייט,
איין פֿוס גייט.
און דער רימען
דרייט און דרייט.
שאַרפֿשטיין דרייט זיך,
פֿונקען טאַנצן,
ס'הייבט דער מעסער
אָן צו גלאַנצן.
שלייף, שלייַפֿער
שאָב, רייַב !
רייב דעם מעסער
אָפּ דאָס לייַב !
האַלט דעם מעסער
בעסער, שטייַפֿער !
שאָָב דעם מעסער
אָפּ די זייַטן :
זאָל דער מעסער
בעסער שנייַדן.
שניצן,
קריצן,
וואָס איך וויל,
שניצן
וואָס איך דאַרף !
שוין,
שוין
שאַרף !