אין אונדזער לאַנד
אברהם רייזען

אין אונדזער רוישק לאַנד,
אויף וועגן אומבאַשרענקטע,
מיר גייען שטיל אַרום
פֿאַרטראַכטע און פֿאַרבענקטע.

און ווער ס'פֿאַרשווייַגט זייַן וויי --
מען וועט זייַן וויי דערשפירן,
ס'האָט יעדער אין זייַן האַרץ
זייַן היים געבראַכט צו פֿירן.

און אין געיעג און רויש,
אין טומל, אין געויימל --
זעט יעדער אין דער הייך
זיין אייגן שטיקל הימל.

און יעדעס וואָלקנדל,
וואָס איז דאָ ערשט געבאָרן,
דערמאָנט אים אין דער היים
פֿאַר ווייַטע מייַל און יאָרן ...

און יעדער שיפֿסינגנאַל,
באַגלייט מיט בייזן ברומען,
דערמאָגט אים יענע שיף
און יענעם פֿון קומען.