"חנוכה געלט" – שלום עליכם

                                           א

...דער טאַטע גייט אום איבער דער שטוב, די הענט אַרונטער, און דאַוונט. אינמיטן מאַכט ער צו אונדז, צו מיר מיט מייַן יינגערן ברודער מאָטל :

 -  אי, אַ !

איך און מייַן ברודער מאָטל פֿאַרשטיין ניט וואָס ער מיינט, און מיר פֿרעגן אים:

 -  וואָס ? אַ שוועבעלע ?

דער טאַטע ווייַזט מיט דער האַנט אַהין, אין קיך אַרייַן :

 -  אי, אַ ! אָ, נו ! – און ער דאַוונט ווייַטער.

 -  וואָס ? אַ שערל ? דאָס אייבערשטע פֿון שטייסל ?

 -  מט ! אי, אָ, נו, פֿע ! – און ערש טנאָך דעם ווי ער האָט פֿאַרענדיקט דאָס דאַוונען, זאָט ער :

 -  די מאַמע ! די מאַמע רופֿט אַרייַן !

                                         ב

   דער טאַטע זינגט אונטער דער נאָז, און שפּאַצירט אַרום הין און צוריק איבערן זאַל,...ער זאָגט און זאָגט און הערט ניט אויף זאָגן. מיר ווילן עס זאָל שוין נעמען אַן עק. ער זאָל זיך נעמען צו דער קעשענע, צום בייַטעלע.

  - מאָטל, גיי צו, זאָג אים : חנוכה געלט !

  - וואָס עפּעס איך זאָל זאָגן חנוכה געלט !

  - אַזוי, דו ביסט קלענער, דאַרפֿסטו בעטן חנוכה געלט.

   דו ביסט עלטער, דאַפֿסטו בעטן חנוכה געלט !

דער טאַטע הערט גאַנץ גוט ! ער מאַכט זיך ווי ער הערט ניט. ...דער טאַטע גיט אַ הוסט.

  - המ... קינדער, קומט נאָר אַהער !

  - האַ? וואָס איז ?

  - נאַט אייַך חנוכה געלט !