עפֿנט דעם טויער עפֿנט אים ברייט –
קאַדיע מאָלאָדאָווסקי
עפֿנט דעם טויער עפֿנט אים ברייט –
עס וועט דאַ דורכגיין אַ גאָלדענע קייט:
דער טאַטע
די מאַמע
דער ברודער
די שוועסטער
חתן-כלה אינמיטן
אויף אַ גאָלדענעם שליטן.
עפֿנט דעם טויער עפֿנט אים ברייט
עם וועט דאָ דורכגיין אַ גאָלדענע קייט:
דער זיידע
די באָבע
דער פֿעטער
די מומע
די אייניקלעך אינמיטן
אויף אַ גאָלדענעם שליטן
עפֿנט דעם טויער עפֿנט אים ברייט
עם וועט דאָ דורכגיין אַ גאָלדענע קייט:
באַרנעם
און עפּל
און האָניק אַ טעפּל
און אַ לעקאַך אַ געלער
אויף אַ גאָלדענעם טעלער.