אַ שפּראַך

ווערטער: רחל בוימוואָל

אַ גאַנצן לעבן ריידן אויף אַ שפּראַך,

וועסטו דאָך זאָגן, איז אַ גרויסע זאַך –

כ'האָב לאַנגע יאָרן אויף דער שפּראַך געשוויגן,

כאָטש זי האָט פֿון מייַן בלוט אַרויסגעשריגן.

און איצטער ווייס איך : ס'איז אַ גרויסע זאַך,

ווען לאַנגע יאָרן שווייַגט מען אויף אַ שפּראַך.

אַ שפּראַך, אויף וועלכער ביסט געצווונגען שווייַגן,

וועט קיינמאָל, קיינמאָל ניט פֿאַרבייַגיין !