אַ חלום
אַ חלום, אַ חלום האָט זיך מיר געחלומט,
אַ חלום, ליובע, האָט זיך מיר געדאַכט, אוי געדאַכט !
מיט דייַנע שוואַרצע אויגן האָסטו מיך צוגעצויגן,
און פֿאַר אַ מענטשן האָסטו מיך געמאַכט.
איך עס ניט, איך טרינק ניט, איך שלאָף ניט דורך די נאַכט,
און בענקען, ליובע, בענק איך נאָך דיר, אוי, נאָך דיר !
ווען איך דערמאָן זיך, דושע, אָן דיר מייַן טייַער-לעבן,
גייען מיר די כּוחות אויס נאָך דיר !
שפּאַצירן, אוי, ליובע זייַנען מיר געגאַנגען,
אין דרויסן איז געוועזן אַ שניי, אוי, אַ שניי !
געדענקסטו, ליוב שיינע, דו האָסט מיר טרייַ געשוואָרן,
צום סוף האָסטו גאָר אַנדערע צוויי.
