יוגנט-הימען
ווערטער : ש. קאַטשערגינסקי
מוזיק : באָסיע רובין
אונדזער ליד איז פֿול מיט טרויער –
דרייַסט איז אונדזער מונטערגאַנג !
כאָטש דער שׂונא וואַכט בייַם טויער –
שטורעמט, יוגנט, מיט געזאַנג !
רעפֿרען :
יונג איז יעדער, יעדער, יעדער ווער
עס וויל נאָר
יאָרן האָבן קיין באַטייַט.
אַלטע קענען, קענען, קענען אויך זייַן קינדער
פֿון אַ נייַער, פֿרייַער צייַט.
ווער עס וואָגלט אום אויף וועגן –
ווער מיט דרייסקייט ס'שטעלט זייַן פֿוס,
ברענגט די יוגנט זיי אַנטקעגן
פֿון דער געטאָ אַ גערוס.
רעפֿרען :
יונג איז יעדער, יעדער, יעדער ווער
עס וויל נאָר
יאָרן האָבן קיין באַטייַט.
אַלטע קענען, קענען, קענען אויך זייַן קינדער
פֿון אַ נייַער, פֿרייַער צייַט.
מיר געדענקען אַלע שׂונאים
מיר דערמאָנען אַלע פֿרייַנד.
אייביק וועלן מיר פֿאַרבינדן
אונדזער נעכטן מיטן הייַנט.
