"די מגילה" : י. גויכבערג

 

אַמאָל איז געווען

אַ קיניג אַ נאַר,

אַ בּיטערער האַר.

 

האָט המן דער בּייזער

געגעבּן אַ זאָג:

נעמט הרגעט די ייִדן –

און אַלע אין איין טאַג.

 

האָט אסתּר די מלכּה –

אַ ייִדישע פֿרוי,

געוויינט פֿאַרן קיניג

אַזִוי און אַזוי :

 

אַ, העלף מיר, מייַן קיניג,

מייַן פֿאָלק איז אין נויט,

דער המן וויל בּרענגען

אויף ייִדן דעם טויט.

 

און בּאַלד האָט דער קיניג

צעבּייזערט זיך שטאַרק :

נעמט הענגט אים, דעם המן,

אין מיטן פֿון מאַרק !

 

און אסתּרס פֿעטער –

מרדכי דער ייִד,

האָט געזונגען פֿאַר ייִדן

אַ פּורימדיק ליד.

 

געהערט האָבּן ייִדן

און האָבּן געלאַכט,

און זיסע המן-טאַשן

אויף פּורים געמטאַכט.

 

 חזרה