פֿון לעווין קיפּניסעס מעשיות
איינער אַ יונג מיט בּיינער
איינער, אַ יונג מיט בּיינער,שמערקע-שמיך, קומט צו אַ שנייַדער זיצט און שטעלט זיך אַוועק בייַ דער טיר. זעט ער ווי דער שנייַדער זיצט און נייט:
מיט דער שער - שניק-ניק-ניק!
מיט דער נאָדל – פּיק-פּיק-פּיק!
מיט דער מאַשין – דריי-דריי-דרען!
מיטן פּרעסל – בּרי-בּרי-בּרען!
אָט אַזוי נייט אַ שנייַדער.
זאָגט דער שנייַדער:
- "וואָס שטייסטו, שמערקע, אויפֿן שוועל ? קום, לערן זיך נייען אַ קאַמזעל".
ענטפֿערט שמערקע:
- "אַ שנייַדער-יונג זייַן איז זייער שלעכט, כ'האָב מורא די נאָדל שטעכט".
