באָבעניו
- זינג אונדז עפּעס באָבעניו,
זינג אונדז עפּעס קרוין!
- איך האָב אייַך אַלע לידעלעך
אויסגעזונגען שוין !
- ניין, ניט אַלע, באָבעניו,
טו אונדז נאָר צוליב!
וועלן מיר דיך, באָבעניו,
האָבן זייער ליב !
מייַן באָבע
מייַן באָבע
וווינט אָט דאָ,
טאַקע דאָ נישט ווייַט.
פֿאַרוואָס האָב איך
נישט געעזען
מייַן באָבען
אַזאַ לאַנגע צייַט ?
לויף איך
לויף איך שנעל.
לויף איך
גיך פֿאַרויס.
קום איך אָן
דער ערשטער
אין מייַן באָבעס הויז.