צום יום העצמאות

 עליזה גרינבלאַט

                       טראַקטאָרס  זינגען אויף די פֿעלדער,

און פֿאַרוואָרן אונדזער טרוים ;

ביימער זאַמלען זיך פֿאַר וועלדער,

יונג און פריש איז יעדער בוים.

ווייץ-און-קאָרנדיקע זאַנגען

און אַ זון וואָס איז ווי נייַ;

ס'איז פֿול און אַזוי פֿרייַ.

פֿערד און אייזל אין די שטאַלן,

אויף די לאָנקעס-שאָף און רינד ;

און ס'צעקוועלן זיך די קוואַלן,

און מיט בשורה איז דער ווינט.

ליגן קינדער אין די וויגן –

צערטלט זיי אַ מאַמעס האַנט

און פֿאַרוויגט זיי אין אַ ניגון;

זייט געבענטשט פֿאַר אייגן לאַנד.