אותיות - י.ה. ראַדאָשיצקי

אותיות ריינע, אותיות שטילע ,

פֿול מיט בּענקשאַפֿט ווי אַ תּפֿילה :

א' בּ' ג' ה' -

טרינק דאָס ליכט אַרויס פֿון זיי !

לערן זיך פֿלייֵסיק, קינד מייַנס, לערן,

וועט אין האַרץ דיר ליכט ווערן.

יעדער אות איז פֿול מיט וואונדער-

בּרעגנט געזאַנג און פֿרייד צו קינדער :

יעדער אות וועט דיך דערהייבּן

צו אַ ריינעם טיפֿן גלויבן –

פֿול מיט חכמה און מיט וויסן

פֿון דעם לעבּן צו געניסן.

א' בּ' ג' ד' ה' –

טרינק דאָס ליכט, מייַן קינד, פֿון זיי,

וועסט פֿון לערנען, רייַכער ווערן,

בּעסער ווערן, שענער ווערן :

ווי די זון גייט אויף אין שטראַלן –

וועט מיט חכמה פֿון דיר קוואַלן !